
Chaves -Verín, 12 de xaneiro de 2023
A Agrupación Europea de Cooperación Territorial Eurocidade Chaves -Verín, no ámbito do proxecto Xuventude Rural de Europa – RUYOU, informa que a primeira actividade terá lugar os días 30 e 31 deste mes.
O evento, exclusivamente online e en inglés, e denominado Ruralhack: Climate Change Challenge, ten como obxectivo crear ideas e coñecer mozos e expertos das zonas rurais de España, Portugal, Malta e Romanía.
O evento está dirixido a mozos e mozas de entre 18 e 30 anos e/ou persoas que traballen en asociacións ou entidades interesadas na mocidade no rural e/ou no medio ambiente . Para participar, debes rexistrarte na seguinte ligazón: http://rurallyouthofeurope.eu/rural-hack-challenge (número limitado de entradas).
O evento tratará diferentes temáticas como as catástrofes ambientais e sociais, a agricultura sostible, o consumo sostible, entre outras. Esta é unha oportunidade fantástica para que os mozos de diferentes partes de Europa das zonas rurais expresen as súas preocupacións e dificultades e tamén teñan a oportunidade de elaborar ideas xuntos para responder ás súas necesidades.
O proxecto Rural Youth of Europe - RUYOU ten como obxectivo permitir que mozos, expertos e líderes de opinión analisen o futuro da mocidade rural europea, co fin de deseñar, facilitar, informar e reflexionar sobre a mocidade do rural despois da pandemia de Covid-19. .
Para máis alá do Eurocidade Chaves-Verín, AECT, RUYOU conta con varios socios de España, Portugal, Malta e Romanía.
Este proxecto foi aprobado no marco do programa europeo CERV - Cidadáns, Igualdade, Dereitos e Valores.