Eurocidade Chaves-Verín: A Eurocidade da Auga

Un destino, dous paises

“Na área territorial de Chaves-Verín existe unha das maiores concentracións de mananciais de augas termais e minero-medicinais da península, recursos que constitúen unha importante fonte de oportunidades para acadar a clasificación de Destino Turístico Termal e o desenvolvemento dunha área de excelencia turística centrada na saúde e o lecer. Existe nembargantes na actualidade, unha forte disparidade no aproveitamento destes recursos pola parte das áreas de Chaves e de Verín. Chaves cunha oferta termal na que se están a facer nos derradeiros anos importantes investimentos para a súa renovación, e Verín centrada na explotación industrial das augas minero-medicinais (plantas de embotellamento) con destacadas marcas no mercado.

A consolidación dun espazo de excelencia turística termal na área Chaves-Verín require dunha visión integrada: unha oferta innovadora e de calidade no eido das infraestruturas e servizos especializados (balnearios), unha oferta profesionalizada no eido da hostalería e a restauración, o desenvolvemento de servizos e actividades complementarias que dinamicen e xeren sinerxias (centro de interpretación do termalismo, produtos de hixiene e beleza, actividades comerciais, culturais e de ocio, rutas turísticas, entre outras), e a existencia dun contorno amigable, saudable e medioambientalmente sustentable. O termalismo moderno aparece moito máis orientado ao lecer e ao relax que á idea decimonónica de curación de certas doenzas e ese cambio debería ser un dos obxectivos do proxecto. Pero ao mesmo tempo, compre aproveitar recursos como a historia (recreación histórica da orixe romana das termas e a súa evolución), ou a natureza, para elaborar un conxunto de ofertas e produtos turísticos que incrementen o interese por este destino por parte dos eventuais mercados emisores.”

Axenda Estratéxica da Eurocidade Chaves-Verín, 2008


Durante o ano de 2009, a Eurocidade Chaves-Verín desenvolveu varias accións encamiñadas a consecución de varios dos obxectivos propostos na Axenda Estratégica da Eurocidade. Devanditas accións están a fomentar o coñecemento e aproveitamento dos recursos endóxenos da Eurocidade tanto pelos propios habitantes da Eurocidade, como por turistas e empresas do exterior. Así, de cara o exterior a Eurocidade ten participado en feiras nacionais e internacionais, e co obxecto de fomentar o turismo na Eurorrexión a Eurocidade participou nas feiras locais e rexionais, así como organizado programas de benestar para os seus cidadáns.

Un Río e nove mananciais

Eurocidade, río e fontes...
Dous países, un río e nove mananciais.

O río Támega flúe a través da Eurocidade como un eixo de unión entre todas as nosas terras e pobos.

Dos acuíferos existentes mana un auga de calidade inigualable, recoñecida grazas ao seu aproveitamento actual, ben para tratamentos, ben como auga embotellada. Os mananciais mais apuntados son Cabreiroá, Sousas, Fontenova, Fonte do Sapo e Caldeliñas ao lado galego e as Caldas de Chaves, Campillo, Vidago e Vilarelho da Raia ao lado luso.
Na área territorial de Chaves-Verín existe unha das maiores concentracións de mananciais de augas termais e minero-minerais de Europa, recursos endóxenos que constitúen unha fonte de oportunidades para alcanzar a clasificación de Destino Termal e así desenvolver un área de excelencia turística centrada na saúde e benestar.

Esta abundancia de augas é consecuencia dunha falla tectónica, a fractura de Corga, que atravesa o territorio transfronteirizo e dá lugar a unha elevada densidade de augas mineiro-medicinais no Val de Monterrei e Alto Támega. Esta orixe común failles compartir características fisicoquímicas e indicacións moi similares distinguíndose principalmente polas súas temperaturas de urxencia.

Estas nove fontes, teñen propiedades e utilidades distintas pero todas elas favorecen o noso organismo, tanto por dentro como por fóra.