O
pasado sábado 22, a Agrupación Europea
de Cooperación Territorial
Eurocidade Chaves-Verín concluíu
un intensivo programa de intercambio de experiencias con representantes
políticos e técnicos responsables do desenvolvemento das cidades fronteirizas
de Foz do Iguaçu (Brasil), Porto de Iguazú (Arxentina)
e Cidade do Leste (Paraguai); urbes que conforman a chamada “fronteira trinacional”.
Este programa de intercambio, de tres días de duración, incluíu diversas presentacións e reunións cos axentes locais e foi organizado no marco de colaboración existente coa Asociación de Rexións Fronteirizas de Europa ( ARFE) e o Serviço Brasileiro de Apoio às Micro e Pequenas Empresas ( SEBRAE). Ambas as institucións xa visitaron o pasado mes de setembro do 2017 a Eurocidade Chaves-Verín en misión de estudo para coñecer en profundidade a cooperación transfronteiriza España - Portugal no marco do proxecto “Fronteiras Cooperativas”.
Nesta ocasión, o Director Executivo da AECT, Pablo Rivera, tivo a oportunidade de coñecer in situ e de primeira man os proxectos que se están desenvolvendo ao longo da fronteira Brasileira, Arxentina e tamén co veciño Paraguai. Entre eles, o proxecto Fronteiras Cooperativas e o Observatorio de turismo trinacional Paraguai-Brasil-Arxentina. Outro dos proxectos presentados, con importantes similitudes co modelo da AECT Chaves-Verín, foi o Programa Líder para o desenvolvemento Rexional transfronteirizo que envolve 12 municipios, nove brasileiros e tres arxentinos, da liña de fronteira Indo de Dionisio Cerqueira/ SC a Capanema/ PR, en Brasil e de Bernardo de Irigoyen a Andresito, na provincia de Misións, en Arxentina.
Este último encontro tivo lugar na primeira facultade fronteiriza de Brasil, a Unetri, onde o director executivo foi recibido polo director académico do centro Jonas Grejianin Pagno e a xestora de proyetos do Sebrae/ PR, María Áurea Mulhmann quen explicou os pormenores da cooperación, entre ambos.
