Axenda Estratéxica da Eurocidade Chaves-Verín

A axenda estratéxica, documento elaborado por expertos do territorio en ambos os países, pretende ser unha guía de actuación para o desenvolvemento do proxecto nos próximos anos; nela participaron tamén, a través da organización de diferentes focus groups, axentes económicos e sociais de ambos os municipios.

Estrutúrase en tres eixos de actuación:

EIXO 1 - Eurocidadanía: Preténdese implicar ás poboacións no proxecto, de forma que gañen conciencia das vantaxes da cooperación transfronteiriza.

EIXO 2 - Desenvolvemento Sostible: Preténdese inventariar, coñecer, preservar e dinamizar o patrimonio natural común.

EIXO 3 - Dinamización Económica: O obxectivo é promover a creación dun tecido económico competitivo, emprendedor e capaz de xerar valor en aumento.